3.3  MF 48,3 , "Min herze den gelouben hat..."
                                                                                               (um 1188/1189)

I        Min herze den gelouben hat,
         solt ich od ieman bliben sin, 
         durch liebe od durch der Minnen rat, 
         so waere ich noch alumbe den Rin; 
    5   wan mir daz scheiden nahe gat,
        deich tete von lieben friunden min. 
        swie ez doch dar umbe ergat, 
        got herre, uf die genade din 
        so wil ich dir bevelhen die 
        die ich durch dinen willen lie.

II     Ich gunde es guoten frowen niet 
       daz iemer mere koeme der tac 
       daz si deheinen heten liep: 
       wan ez waere ir eren slac. 
   5  wie kunde in der gedienen iet, 
      der gotes verte also erschrac ? 
      dar zuo send ich in disiu liet 
      und warnes als ich beste mac. 
      saen si min ougen niemer me, 
      mir taete iedoch ir laster we.